Beynəlxalq Audiovizual festivalın
REQLAMENTİ
· Kinofestivalın məqsəd və vəzifələri: Beynəlxalq Audiovizual sahədə gənc müəlliflərinin əsərlərinin baxışını və müzakirəsini keçirmək, festival çərçivəsində beynəlxalq audiovizual sənətin inkişaf perspektivləri ilə bağlı seminarlar keçirmək.
· Keçirilmə tarixi: 23-27 oktyabr 2003-cü il.
· Əhatə sahəsi: Kinofestivalda 35 yaşı tamam olmamış sənətçilər, kino və video daşıyıcılarında istehsal olunmuş aşağıdakı janrlarda əsərləri müsabiqə və informasion baxış bölmələrinə təqdim edə bilərlər:
- Bədii film;
- Sənədli film;
- Cizgi film;
- Televiziya müəllif verlişi;
- Klip;
- Reklam,
- Tələbə işi,
- Kompyuter qrafikası
· Festivalın bölmələri:
- Müsabiqə bölməsi;
- İnfarmasion baxış;
- Tələbələrin işləri;
- Retrospektiv baxış.
· Müsabiqə bölməsi:
* Müsabiqə bölməsinə təqdim olunan audiovizual əsərin yaradılması tarixi 2002-2003-cü illəri əhatə etməlidir;
* Əsər orijinal olmalı, 35 mm kinoplyonkada ya da professional videodaşıyıcılarda istehsal olunmalıdır;
* Əsərin rejissorunun yaşı 35-dən yuxarı olmamalıdr;
* Əsərlərin müsabiqəyə təqdim olunmasının son tarixi: oktyabr ayının 1-ə qədər.
* Müsabiqə bölməsində iştak etmək üçün, seçim komissiyasına, əsərin VHS nüsxəsi ilə birlikdə aşağıdakı sənədlər təqdim olunmalıdır:
- Filmin sifariş forması
(doldurulmuş);
- rejissorun filmoqrafiyası;
- əsərin qısa məzmunu;
- əsərdən foto;
- rejissorun fotoşəkli;
* Seçim komissiyası oktaybrın 5-a qədər namizədlərə əsərin müsabiqə bölməsində iştrak edib-etməməsi haqqında rəsmi məlumat verir;
* Seçim komissiyası müsabiqədə iştrak etmək üçün, hər nominasiyaya 10 əsər seçir.
· Müsabiqə bölməsinin nominasiyaları:
- Ən yaxşı audiovizual əsər – Qran Pri.
- Ən yaxşı bədii film.
- Ən yaxşı sənədli film.
- Ən yaxşı cizgi film.
- Ən yaxşı televiziya verlişi.
- Ən yaxşı klip.
- Ən yaxşı reklam.
- Ən yaxşı tələbə işi.
- Ən yaxşı kompyuter qrafikası.
Professional prizlər:
- Ən yaxşı rejissor.
- Ən yaxşı ssenariçi.
- Ən yaxşı operator.
- Ən yaxşı rəssam.
- Ən yaxşı bəstəkar.
- Ən yaxşı aktyor.
- Ən yaxşı aktrisa.
- Ən yaxşı prodüser.
- Ən yaxşı qrafik dizayner.
İnformasion baxış bölməsində nümayiş olunan əsərlər:
* müsabiqə keçməyən sənət baxımından maraq doğura biləcək əsərlər;
* istehsal vaxtı 2001-ci ildən əvvəl olan əsərlər;
* digər festivallarda mükafat almış əsərlər;
* klassik nümunələr;
Əsərlərin informasion baxış bölməsində nümayişə buraxılması seçim komissiyası tərəfindən müəyyən olunur.
· Tələbələrin işləri bölməsi tam sərbəstdir və bu bölmənin yeganə şərti nümayiş olunan əsərin müəllifi tələbə olmalıdır.
· Retrospektiv baxış bölməsi hər festivalda dünya klassiklərdən birinin yaradıcılığına həsr olunacaq, əsərlərinin nümayişi, həyat və yaradıcılığı haqqında mühazirələr oxunacaq.
· Festivalın Beynəlxalq Münsiflər heyəti 7 nəfərdən ibarətdir və onlar tam müstəqildirlər. Münsiflər heyətinə onun Sədri rəhbərlik edir.
· Münsiflər heyəti öz qərarlarına görə heç bir izahat vermir və heç bir iddia qəbul etmir.